Mga Tula:
"Si Pele, ang Diyosa ng Apoy at Bulkan"
Isang napakagandang dalaga,
Ang aking nasilayan
Mula sa isang isla,
Pele ang kaniyang ngalan.
Minsa'y napakaselosa
Kahit sa kaniyang kapamilya
Isang dyosang pinagmulan
Ng apoy at bulkan.
"Pokus ng Pandiwa"
Kung ating iisipin
Madalas itong gamitin
Mga salitang kilos
Na wika'y isinasaayos
Mga pandiwang ito
Na minsa'y talagang nakakalito
Aktor, Layon
Salitang inaaksyon.
"Macbeth"
Isang Scottish Na istorya
Na minsa'y sa mga tao nagpasaya
Ngunit sa paglipas ng oras
Sumpa raw ay dinadanas
Pangala'y di pwedeng banggitin
Sapagkat ikaw ay maaaring malasin
Mag ingat sa iyong salita
Para ika'y maligtas sa sakuna
"Mga Uri ng Dulang Pantanghalan Ayon sa Anyo"
Sa mga tao'y nagbibigay ng walang sawang aliw,
Hangga't di bibitiw
Sa mga uri ng dula
Na talagang nakakatulala
Walang pwedeng magawa
Sa walang sawang pagpatak ng luha
Ma pa trahedya,
O ma pa komedya.
"Ang Aking Aba at Hamak na Tahanan"
Isang buhay na marangya
Ang aking hinahangad
Isang trabahong masaya
Kahit buwis buhay ang katulad
Maging isang sundalo ang aking panagarap
Kahit mahirap abutin, aking sinikap
Ngayon ako'y sundalo na
Bakit ako naghahangad pang maiba?
"Idyoma"
Mga salitang
Malalalim ang kahulugan
Sa isip ay nakapaglilinang
Tila mayroong pinaghuhugutan.
Mahirap intindihin
Kung hindi isasaisip
Madaling sabihin
Ng mga taong inip
"Tayutay"
Uri ng pagpapahayag
Sa akin ay itinuro
Isip ay naglalagalag
Dahil sa turo ng aking guro
Mayroong paghahambing
Na tinawag na pagwawangis
Paglalabis o pagkukulang
Ay tinawag na pagmamalabis.
"Ang Kuwento ng Isang Oras"
Mahirap paniwalain
Sa bagay na babawiin
Paliwanag ay aanhin
Kung salita ay kinakain
Masayang maging malaya
Mula sa buhay na nakatali sa tanikala
Ngunit kung ito'y hindi totoo
Parang winawasak ang aking mundo.
Sanaysay:
Madami mang pagsubok sa buhay ang ating kinakaharap o kakaharapin, mas mabuti kung haharapin natin ito bilang isang buong pamilya. Huwag tayong tumulad kay Pele at Namaka na pinairal ang mga galit na nagmumula sa kanilang isipan kaysa pakinggan ang pagmamahal na tinitibok ng kanilang mga puso. Kahit anong mangyari, pamilya parin ang pinakamahalaga sa lahat, sila yung mga taong handang dumamay sa atin sa kalungkutan man o kasiyahan, handang tumanggap sa atin sa kabila ng mga pagkakamali at pag kukulang natin. Pahalagahan natin ang pamilya natin, dahil sa huli sa kanila parin tayo kukuha ng lakas para makabangon sa tuwing madadapa tayo sa buhay, sila parin ang matatakbuhan natin sa tuwing may problema tayo.
Kung minsan nakakalito talaga ang mga Pokus ng Pandiwa pero mahalaga parin ito upang maging malinaw ang ating mga pangungusap, upang maintindihan tayo ng lubusan ng ating mga kausap o taga pakinig.
Isang madugong istorya ang Macbeth, ngunit ito ay talagang kapupulutan ng matinding aral. Sa tuwing gagawa tayo ng isang hakbang sa buhay, mas mainam na pag isipan talaga natin itong mabuti, kung mabuti ba o masama ang kahihinatnan ng mga gagawin natin. Dahil kung ano ang ginawa mo sa iyong kapwa ay siya ring mangyayari sa iyo, masama man ito o mabuti.
Maraming uri ng dula ang atin nang napag aralan o narinig. Ngunit ano nga ba ang kahalagahan nito? Bakit nga ba natin ito kailangan pang pag-aralan? Mahalagang malaman natin ang bawat uri nito dahil ito ay isa sa napakaraming naimbento ng ating mga ninuno. Sa pamamagitan ng pag aaral dito, maaari nating maipakita kung paano natin pinapahalagahan ang mga nagawa ng mga tao noong unang panahon. Ang dula rin ang isa rin sa mga pangunahing dahilan kung bakit sumasaya ang mga tao noon at ngayon.
Lahat naman siguro ng tao ay may pangarap sa buhay, nais nating maging isang Sundalo, Pulis, Doktor, Guro at marami pang iba. Hindi naman natatapos mangarap ang isang tao, palaging meron at meron paring kulang sa atin, kahit halos lahat ng bagay ay nasa atin na, lahat ng kailangan natin sa buhay ay nasa paligid lamang natin, ngunit hindi talaga natin maiwasang maghangad ng mas mataas pa katulad na lamang ng tulang pinamagatang "Ang Aking Aba at Hamak na Tahanan" nais niyang maging sundalo, ngunit nung siya ay isa ng ganap na sundalo, hindi parin siya naging kuntento, hindi parin siya naging masaya. Sadyang ganan ang tao, ngunit masama para sa ang laging maghangad ng higit pa, dahil kung minsan ito ang nagiging ugat ng kasamaan. Dapat tayong makuntento sa buhay, sa kung ano ang meron tayo. Kung sapat na naman, bakit pa tayo naghahangad ng mas mataas? Hindi naman natin kailangang malagpasan ang iba. May kaniya-kaniya tayong galing at talino, iba iba tayo ng pananaw at paraan sa buhay, kaya hindi natin kailangan laging maghangad ng iba pa, matuto tayong makuntento.
Tayutay at idyoma mga salitang may malalalim na kahulugan at kung minsan ay maaaring makasakit ng ating kapuwa. Ngunit mahalaga paring malaman o pag aralan dahil parte ito ng ating panitikan at itinuturing din ito bilang isa sa mga elemento ng tula.
Ang Kuwento ng Isang Oras, mapalad tayo dahil may nagmamahal at handang mag mahal sa atin. Dipende na nga lang talaga sa atin kung gusto rin natin sila. Minsan talaga kahit anong gawin nating pilit sa ating mga sarili ay hindi talaga natin magawang magustuhan ang isang bagay o isang tao. Kung magmamahal tayo, siguraduhin natin na doon tayo masaya, dahil mahirap ipilit ang isang bagay na hindi naman talaga natin gusto. Walang mangyayari kung pipilitin lamang natin ang ating mga sarili.
Walang komento:
Mag-post ng isang Komento